Регистрация и авторизация через Вконтакте Авторизация через Одноклассники
БобруйскРегистрация Забыли пароль? почта БобруйскПочта

    Подписаться на наши новости

    Введите свой e-mail адрес:

    Будь в курсе новостей родного города!­­­­­

    Последние объявления

    Площадь им. Ленина

    Перейти к видеотрансляции

    28 февраля 2007   Просмотров: 866

    Больш за 1,5 тыс. USD за сталiчны "квадрат"

    Менавiта ў трэцяй дэкадзе лютага кватэрныя цэны на другасным рынку сталiчнага жылля пераадолелi чарговую планку кошту квадратнага метра аднапакаёвых кватэр — 1,5 тысячы долараў. Нагадаю, што пачынаючы з трэцяй дэкады мiнулага снежня i на працягу першых двух тыдняў студзеня ў краiне на рынку нерухомасцi назiраўся мёртвы сезон, калi i пакупнiкi, i прадаўцы чакалi развiцця газава-энергетычных падзей. Сёння мы ўжо ведаем, што кошт будаўнiцтва будзе павышацца. Як моцна — гэта залежыць ад многiх фактараў. Сёння мы працягваем размову з пастаянным экспертам нашага выдання дырэктарам Беларускай асацыяцыi "Нерухомасць" Мiкалаем ПРАСТАЛУПАВЫМ.
    Згодна з iнфармацыяй каталогаў спецыялiзаванага выдання "Нерухомасць Беларусi", маленькiя кватэры ў сталiцы зараз пачалi даражэць прыкладна на 30—50 долараў за квадратны метр агульнай плошчы жылля ў тыдзень. Мiкалай Прасталупаў лiчыць, што за апошнi месяц невялiкiя адна, - i двухпакаёвыя кватэры ў Мiнску даражэлi на 1,5—2 тысячы долараў за тыдзень.
    Ланцуговая рэакцыя ператварылася ў падабенства масавага псiхозу?
    Сёння ў буйных гарадах краiны каля 90—95 працэнтаў усiх здзелак па куплi-продажу кватэр на другасным рынку ажыццяўляецца тымi, хто прадае i адначасова купляе жыллё. Зараз на рынку шмат клiентаў, якiя хочуць прадаць шматпакаёвыя кватэры i адразу набыць некалькi маленькiх кватэр ужо з даплатай. Аднак аднапакаёвых кватэр i "двоек" сёння ў сталiцы катастрафiчна не хапае. Таму гаспадары кампактнага жылля пачынаюць даволi хутка i iстотна карэктаваць "цэннiкi" на такiя кватэры ў бок павелiчэння. Пасля гэтага на другасным рынку адбываецца ланцуговая рэакцыя падаражання з боку гаспадароў iншых тыпаў кватэр. Намiнальна даражэюць ужо i трох-, i чатырохпакаёвыя кватэры, пасля чаго зноў павялiчваецца кошт на маленькае жыллё. Змена "цэннiкаў" адбываецца вельмi хутка i выклiкае на рынку ўжо масавы псiхоз. Нiхто не ведае, што будзе з цэнамi на жыллё заўтра, бо чарга маючых патрэбу ў паляпшэннi жыллёвых умоў у буйных гарадах працягвае павялiчвацца. Разам з тым дзяржава аб’явiла, што будзе абмяжоўваць павелiчэнне цэн у будаўнiчым сектары толькi для "чаргавiкоў", а камерцыйнае будаўнiцтва павiнна выжываць "самастойна".
    Даражэюць нават самыя слабенькiя аднапакаёўкi
    Менавiта маленькiя i танныя вiды кватэр на другасным рынку жылля зараз сталi дэфiцытам. Зусiм слабенькiя аднапакаёўкi ў не вельмi прэстыжных мiкрараёнах на апошнiх цi першых паверхах старых дамоў агульнай плошчай 30—34 квадратныя метры зараз прапаноўваюцца мiнiмум па 50 тысяч долараў. Крыху меншыя "хрушчоўкi" нават з такой маленькай плошчай "квадратаў" ужо цягнуць за 51—53 тысячы ўмоўных адзiнак. Зараз сярэднi кошт аднапакаёвых кватэр у Мiнску склаў 53—54 тысячы долараў. Сёння сярэдняя цана квадратнага метра кватэр дасягнула 1572 долараў, што на 52 пункты вышэй, чым тыдзень таму.
    Вельмi iстотна ў апошнi час даражэюць i асобныя пакоi ў звычайных стандартных шматпакаёвых кватэрах. У залежнасцi ад плошчы "кутка", наяўнасцi праблемных суседзяў i iншых параметраў якасцi такога жылля пакоi прадаюцца за 20—35 тысяч долараў. Яшчэ 1,5—2 гады таму асобны пакой можна было набыць за 7—10 тысяч долараў.
    Разам з тым больш-менш якасныя аднапакаёвыя кватэры ў 9-павярховых панэльных дамах сёння каштуюць не менш за 55—60 тысяч долараў.
    Тэндэнцыя, якая назiраецца зараз у сталiцы, амаль на такiм жа ўзроўнi адлюстроўваецца на другасным рынку абласных цэнтраў i iншых буйных гарадах краiны. Калi, напрыклад, аднапакаёвыя кватэры палепшанай планiроўкi ў пачатку года ў Магiлёве прапаноўвалiся за 25—27 тысяч долараў, то сёння набыць такiя кватэры можна толькi за 28—31 тысячу долараў.

    Прыкладна на 3—5 тысяч долараў падаражэлi з пачатку года ўсе больш-менш прывабныя аднапакаёвыя кватэры ў абласных цэнтрах. Аднак, калi ў Вiцебску "аднапакаёўкi" яшчэ можна адшукаць за 19—23 тысячы "баксаў", то ў буйных мегаполiсах заходняга накiрунку (Брэст, Гродна) якасныя "аднапакаёўкi" прапаноўваюцца зараз не танней, чым за 26—32 тысячы долараў. Iстотна працягвае даражэць маленькае жыллё ў такiх "грашовых" гарадах, як Салiгорск, Наваполацк i Мазыр. У гарадах шахцёраў i нафтавiкоў аднапакаёвыя кватэры каштуюць зараз 26—32 тысячы долараў. Недзе на 2—3 тысячы падаражэлi нават маленькiя кватэры ў такiх раённых цэнтрах, як Ляхавiчы i Лепель. Праўда, у такiх гарадах рэальны "цэннiк" жылля залежыць галоўным чынам ад наяўнасцi там стратэгiчных вытворчасцяў i (або) развiтых прадпрымальнiцкiх структур, дзе ёсць магчымасць зарабiць нядрэнныя грошы.
    Даражэе i шматпакаёвае жыллё
    Даволi iстотнымi тэмпамi даражэюць зараз i двухпакаёвыя кватэры. Дрэнныя па якасцi i маленькiя па планiроўцы двухпакаёвыя кватэры на другасным рынку жылля сталiцы падаражэлi ў апошнi месяц не так iстотна. "Двойкi" з агульнай плошчай 40—47 квадратных метраў жылля прапаноўваюцца ў старых "хрушчоўках" яшчэ за 58—60 тысяч долараў. У лепшых мiкрараёнах нават на гранiчных паверхах такiя кватэры каштуюць ужо не менш за 60—64 тысячы долараў. Сярэднi кошт двухпакаёвай кватэры ў сталiцы дасягнуў 70—71 тысячы долараў, калi квадратны метр агульнай плошчы такога жылля ацэньваецца ў 1420—1450 долараў. Самая вялiкая колькасць двухпакаёвых кватэр у сталiцы прапаноўваецца пакупнiкам за 65—75 тысяч долараў. Сёння ў новых або "спальных" мiкрараёнах з’явiлiся ўжо двухпакаёвыя кватэры коштам больш за 100 тысяч долараў, у якiх квадратны метр жылля ацэньваецца амаль у 2 тысячы долараў.
    Двухпакаёвыя кватэры ў абласных цэнтрах каштуюць зараз сама меней 35—37 тысяч долараў i працягваюць хутка даражэць i далей. Нават у Салiгорску, Наваполацку i Мазыры "двойкi" дацягваюць да 33—35 тысяч долараў, а трохпакаёвыя кватэры — да 50 тысяч умоўных адзiнак. Старыя трохпакаёвыя кватэры з дабiтай сантэхнiкай у дамах-"хрушчоўках" каштуюць у абласных цэнтрах прыкладна на 3—7 тысяч танней, чым у "спальных" мiкрараёнах, якiя былi пабудаваныя ўжо ў 90-х гадах.
    У сталiцы сярэднi кошт трохпакаёвых кватэр дасягнуў зараз 88 тысяч долараў, калi квадратны метр агульнай плошчы каштуе 1330 долараў. Самая танная "тройка" ў Мiнску сёння каштуе 70—73 тысячы долараў. За гэтыя грошы зараз магчыма набыць жыллё з агульнай плошчай 60—65 метраў.
    Падаражанне да вясны не спынiцца?
    Паводле меркавання Мiкалая Прасталупава, жыхары буйных гарадоў сёння панiчна баяцца далейшага павышэння цэн на энергаёмiстыя тавары, у тым лiку i на нерухомасць. Калi такая сiтуацыя працягнецца i надалей, то жыллё будзе даражэць ажно да вясны. Будаўнiцтва таннага жылля толькi для чаргавiкоў гэтага становiшча не выправiць. Неабходна ўвесцi адмiнiстрацыйны рэсурс, калi на будаўнiчыя пляцоўкi сталiцы i iншых буйных гарадоў краiны змогуць прыйсцi ўсе жадаючыя будаўнiчыя арганiзацыi краiны. Калi сiтуацыя ў гэтым накiрунку кардынальным чынам не зменiцца, то развiццё другаснага рынку сталiчнага жылля можа пайсцi па двух процiлеглых накiрунках. Па першаму сцэнарыю кватэры будуць працягваць даражэць i надалей, калi кошт квадратнага метра жылля дасягне ў маi нават 2 тысяч долараў. У iншым выпадку, патэнцыяльныя пакупнiкi дарагога жылля адмовяцца набываць кватэры па штучна завышанаму кошту i пакiнуць рынак. Калi попыт на другаснае жыллё iстотна знiзiцца, тады, адпаведна, i кошт на такiя кватэры амаль iмгненна ўпадзе.


    Звязда


    Пожалуйста, соблюдайте правила комментирования на портале BOBR.by
    comments powered by Disqus

    Транспорт Недвижимость Связь Торговля Власти Медицина Образование Работа
    Транспорт Недвижимость Связь Торговля Власти Медицина Образование Работа

     
    Хостинг в Беларуси - Active TechnologiesХостинг в Беларуси
    Подписка на rss Vkontakte Odnoklassniki Facebook Twitter Instagram YouTube
    290 717 - именно столько уникальных пользователей нас посетило за октябрь 2018 года.
    На основе Google Analytics*