Регистрация и авторизация через Вконтакте Авторизация через Одноклассники
БобруйскРегистрация Забыли пароль? почта БобруйскПочта

    Подписаться на наши новости

    Введите свой e-mail адрес:

    Будь в курсе новостей родного города!­­­­­

    Последние объявления

    Площадь им. Ленина

    Перейти к видеотрансляции

    3 мая 2007   Просмотров: 882

    200 долараў заробку - закон для ўсiх прадрпрыемстваў

    200 долараў заробку - закон для ўсiх прадрпрыемстваў
    Сярэднi ўзровень аплаты працы па ўсiх арганiзацыях краiны павiнен складаць як мiнiмум 200 долараў у эквiваленце. Разам з тым, як падкрэслiў падчас выязной калегii мiнiстр працы i сацыяльнай абароны Уладзiмiр Патупчык, любое павышэнне зарплаты на прадпрыемствах-аўтсайдарах павiнна быць эканамiчна абгрунтаваным i адбывацца толькi з улiкам росту паказчыкаў вытворчасцi працы.

    Пачатак — бiзнэс-план

    Крыху статыстыкi. У студзенi—сакавiку гэтага года адносна аналагiчнага перыяду летась сярэдняя зарплата па Беларусi павялiчылася на 18,5 працэнта i выйшла на адзнаку 659,4 тыс. рублёў, цi 307,3 долара ў эквiваленце. А ў бюджэтнай сферы гэтыя паказчыкi склалi адпаведна 596,7 тыс. рублёў, цi 278,1 долара. Адначасова рост рэальных, з улiкам змянення цэн на тавары i паслугi, заробкаў у параўнаннi з пачаткам мiнулага года перавысiў 10-працэнтную рысу. Прычым, паводле слоў намеснiка мiнiстра Пятра Грушнiка, планы па павышэнню ўзроўню аплаты працы выканалi большасць галiн. I яшчэ адзiн цiкавы вынiк. Калi ў першым квартале летась рознiца ў аплаце працы памiж галiнамi была 4,3, то сёлета дыферэнцыяцыя зменшылася да 3,5 раза.

    Аднак казаць, што сама па сабе сiтуацыя з заробкамi аказалася цалкам адназначнай, не выпадае. Так, не сакрэт: сёлета асноўная "прыбаўка" па невытворчаму сектару эканомiкi была забяспечана за кошт ваеннаслужачых, дзяржслужачых, а таксама нiзкааплатных катэгорый работнiкаў. Не менш праблем узнiкае i па вытворцам — у параўнаннi з канцом мiнулага года на значнай частцы прадпрыемстваў адзначана не павелiчэнне, а па сутнасцi "адкат" зарплаты. Нарэшце, таксама няпросты малюнак склаўся па шэрагу рэгiёнаў. Як паведамiў Пётр Грушнiк, у студзенi—сакавiку ў Брэсцкай вобласцi планы па росту заробкаў з 16 раёнаў не выканалi 13, у Вiцебскай вобласцi з 21 раёна — 13, у Гомельскай вобласцi з 21 раёна — 10. А на Магiлёўшчыне планы так i засталiся недасягальнымi для ўсiх без выключэння рэгiёнаў. Пры гэтым, нягледзячы на значнае скарачэнне колькасцi раёнаў, дзе сярэднi ўзровень аплаты працы зараз не выходзiць на эквiвалент у 200 долараў, даводзiцца канстатаваць як факт — дзе-нiдзе пераадолець такую планку не ўдавалася нiколi. У прыватнасцi, у дадзеным выпадку маюцца на ўвазе Кармянскi, Столiнскi i Хоцiмскi раёны.

    Мiж тым, цi не самае вострае на сёння пытанне — што будзе далей? Як зазначаюць у мiнiстэрстве, асноўны "рэцэпт" для бюджэтных галiн застанецца ранейшым — павелiчэнне тарыфнай стаўкi I разраду. Чакаецца, што да канца года яно павiнна адбыцца двойчы — у маi—чэрвенi i кастрычнiку—лiстападзе. Прычым ужо блiжэйшая прапанова на гэты конт — вызначыць "бюджэтную" тарыфную стаўку I разраду на ўзроўнi 68 тыс. рублёў.

    Што да рэальнага сектара эканомiкi, то, зразумела, тут усё будзе залежаць ад фiнансавага стану канкрэтных прадпрыемстваў. У сувязi з гэтым, падкрэслiваюць у мiнiстэрстве, сёння кожная арганiзацыя павiнна мець уласны бiзнэс-план па выхаду на эфектыўную работу. I перш-наперш наяўнасць такiх планаў будзе адсочвацца ў арганiзацыях, дзе памер сярэдняй зарплаты работнiкаў атрымлiваецца менш за 200 долараў у эквiваленце або не нашмат перавышае гэты ўзровень.

    Зарплату дае спецыяльнасць

    Таксама традыцыйна актуальная тэма — беспрацоўе. Сёлета, заўважаюць у мiнiстэрстве, назiраецца павышэнне эканамiчнай актыўнасцi грамадзян Беларусi, вынiкам чаго стаў рост колькасцi зваротаў па дапамогу ў працаўладкаваннi. Толькi за студзень—сакавiк з падобнымi просьбамi ў дзяржаўную службу занятасцi ўжо звярнулася 70,5 тыс. чалавек. Зрэшты, сама па сабе гэта акалiчнасць не прывяла да ўсплёску беспрацоўя — яго сярэднi паказчык застаўся на ўзроўнi 1,2 працэнта. Апроч таго, з пачатку года ўдалося крыху зменшыць (з 10,9 да 10,2 тысячы) колькасць беспрацоўных у сельскай мясцовасцi, а таксама палепшыць становiшча на рынку працы ў 11 i стабiлiзаваць яго ў 7 з 29 найбольш праблемных гарадах i пасёлках.

    Дарэчы, за студзень—сакавiк у краiне было створана 30,8 тыс. працоўных месцаў, 543 беспрацоўныя атрымалi пазыкi i субсiдыi на адкрыццё ўласнай справы, а 63 сям’i — пераехалi на iншае сталае месца жыхарства i працы. Усё гэта, натуральна, паўплывала на малюнак у цэлым. Хоць адначасова нельга заўважыць, што сёлета адбылося знiжэнне колькасцi беспрацоўных, якiя былi накiраваны на прафесiйнае навучанне. Падтрымку ў набыццi новай спецыяльнасцi атрымалi ўсяго каля 7 працэнтаў грамадзян, зарэгiстраваных у службах занятасцi. Прычым самым высокiм (8,5 працэнта) гэты паказчык быў у Магiлёўскай вобласцi, а самым нiзкiм (5,6 працэнта) — у сталiцы.

    Безумоўна, можна пагадзiцца, што ў параўнаннi з iншымi рэгiёнамi буйнейшы горад краiны рэальна мае найменш напружаную сiтуацыю на рынку працы. Разам з тым, паводле слоў начальнiка галоўнага ўпраўлення палiтыкi занятасцi i народанасельнiцтва Мiкалая Коханава, сёння практычна кожны чацвёрты беспрацоўны ў Мiнску не можа знайсцi сабе больш-менш вартае i тым больш высокааплатнае месца якраз з-за адсутнасцi… спецыяльнасцi. Да таго ж прафесiйная падрыхтоўка i перападрыхтоўка застанецца актуальнай для моладзi — як сведчаць прагнозы мiнiстэрства, па тых цi iншых прычынах сёлета не змогуць працягнуць навучанне каля 27 тыс. выпускнiкоў школ.

    Большая пенсiя — меншыя чэргi?

    Як вядома, той цi iншы вiд пенсii атрымлiвае амаль кожны чацвёрты беларус. Пры гэтым, паведамiла намеснiк мiнiстра працы i сацыяльнай абароны Марыяна Шчоткiна, у сакавiку сярэднi памер пенсii па ўзросту склаў 292,2 тыс. рублёў. А зноў-такi сярэдняя мiнiмальная пенсiя па ўзросту была 165,4 тысячы, што, да слова, на 10,3 працэнта перавысiла адзнаку бюджэту пражытковага мiнiмуму пенсiянера. Аднак у той жа час нельга не прызнаць: назваць прымальным цяперашнi ўзровень пенсiй па-ранейшаму цяжка. I асаблiва з улiкам iх фактычнай пакупнiцкай здольнасцi.

    Прагноз мiнiстэрства тут наступны — да канца года рэальныя, з улiкам iнфляцыi, пенсii ў краiне павiнны павялiчыцца на 7,8—8,7 працэнта. Але самi этапы павышэння будуць рознымi. Так, паколькi ўмовай для перагляду працоўных пенсiй з’яўляецца 15-працэнтны рост сярэдняй зарплаты, не выключана, што чарговую "прыбаўку" большасць пенсiянераў атрымае толькi ўвосень. Дзеля справядлiвасцi, заўважыла Марыяна Шчоткiна, адбыцца гэта можа i раней — у выпадку, калi будзе прынята рашэнне аб пазачарговым пераразлiку.

    Калi ж казаць аб мiнiмальных працоўных i сацыяльных пенсiях, а таксама надбаўках i павышэннях да iх, то ў сувязi са змяненнем бюджэту пражытковага мiнiмуму яны ўжо пераглядалiся ў лютым. А наступнае павелiчэнне чакаецца ў маi. Аднак яно атрымаецца… невялiкiм — скажам, тая ж мiнiмальная пенсiя ўзрасце прыкладна на 2 тыс. рублёў. Таму, зазначыла Марыяна Шчоткiна, зараз Мiнiстэрства працы i сацыяльнай абароны выступае з iнiцыятывай змянiць сам парадак пераразлiку мiнiмальных i сацыяльных пенсiй. Iнакш кажучы, "прывязаць" iх памер да большага працэнту бюджэту пражытковага мiнiмуму. У вынiку сацыяльныя пенсii павiнны ўзрасцi нязначна. Аднак калi ўзяць пад увагу, што зараз у сярэднiм сацыяльная пенсiя складае 113,1 тыс., а сацыяльная пенсiя на дзiця-iнвалiда — каля 140 тыс. рублёў, не выпадае сумнявацца: у дадзеным выпадку далёка не "лiшняй" будзе па сутнасцi любая прыбаўка.

    Сапраўды, змяненне "правiлаў падлiку" можа прывесцi да дадатковых выдаткаў бюджэту ў памеры 1,5 млрд рублёў штомесяц. Але, лiчыць Марыяна Шчоткiна, у выпадку прыняцця рашэння аб сацыяльных пенсiях з’явяцца падставы казаць i аб iншым — эканомii тых жа бюджэтных сродкаў, што iдуць на "аплату" пражывання нiзкадаходных пенсiянераў i iнвалiдаў у дамах-iнтэрнатах. Тым больш, што сёння на змяшчэнне ў iнтэрнаты краiны iснуе чарга. Прычым не ў апошнюю чаргу лiквiдаваць яе да 2010 года ў мiнiстэрстве плануюць за кошт стварэння ўмоў, якiя дазволяць пенсiянерам i iнвалiдам як мага больш заставацца дома.


    Звязда


    Пожалуйста, соблюдайте правила комментирования на портале BOBR.by
    comments powered by Disqus

    Транспорт Недвижимость Связь Торговля Власти Медицина Образование Работа
    Транспорт Недвижимость Связь Торговля Власти Медицина Образование Работа

     
    Хостинг в Беларуси - Active TechnologiesХостинг в Беларуси
    Подписка на rss Vkontakte Odnoklassniki Facebook Twitter Instagram YouTube
    261 977 - именно столько уникальных пользователей нас посетило за сентябрь 2018 года.
    На основе Google Analytics*