14 красавіка у Бабруйск прыедуць аўтары кнігі «Айчына. Маляўнічая гісторыя» пісьменнік Уладзімір Арлоў і мастак Павел Татарнікаў. Запрашаем на сустрэчу. Уваход вольны.

Сустрэча з пісьменнікам Уладзімірам Арловым і мастком Паўлам Татарнікавым адбудзецца на занятках курсаў «Мова Нанова».

Кніга «Айчына. Маляўнічая гісторыя» – для кожнай беларускай сям’і. Яна адрасаваная найперш дзецям і падлеткам, але прачытаць яе будзе карысна і дарослым: бацькам, дзядулям і бабулям, настаўнікам.

Кнігу, якая выходзіць у дзвюх частках, склалі цікавыя, спазнаваўчыя і надзвычай багата ілюстраваныя апавяданні з гісторыі Беларусі. Першая частка ахоплівае час ад старажытнасці да канца XVIII стагоддзя.

У бабруйчан ёсць унікальная магчымасць набыць кнігу і атрымаць аўтографы.

Заняткі адбудуцца ў пятніцу, 14 красавіка, па адрасе: вул. Савецкая, 97-2, тайм-клуб «1387» (гатэль «Бабруйск», адзін уваход з крамай «Камунарка»).

Пачатак а 18-й гадзіне, уваход вольны!