У чэрвені грамадская культурніцкая кампанія "Будзьма беларусамі!" і Цэнтр даследавання грамадскага кіравання SYMPA абвясцілі ў Магілеўскай вобласці Кірмаш праектаў дзеля паляпшэння культурнай прасторы гарадоў і мястэчак.

І жыхары вобласці змаглi прапанаваць адметныя і цікавыя ідэі, каб жыццё гарадоу завіравала на новым узроўні.

Сам Кірмаш праектаў праходзіць у тры этапы: збор праектаў, прэзентацыя, адбор і абвяшчэнне пераможцаў. Першы этап ужо завершаны.

Зараз адбудзецца другі этап – публічная прэзентацыя праектаў, падчас якой аўтары змогуць атрымаць прафесійныя парады па іх дапрацоўцы і рэалізацыі, а ўдзельнікі – ацаніць, наколькі кожны праект запатрабаваны і цікавы самім гараджанам.

Сярод 10 праектаў прадстаўленыя

• гарадскі краязнаўча-інтэлектуальны чэмпіянат у Магілеве,
• cтварэнне феміністычнага клубу,
• гарадскі стрыт-арт у Бабруйску, 
• вулічныя музычныя вечары,
• кіно і танцы ў Бабруйску

і іншыя цікавыя праекты.

Дзякуем аўтарам за цудоўныя ідэі і заклікаем іх актыўна рыхтавацца да прэзентацыі, якая адбудзецца 28 чэрвеня у Бабруйску у тайм-клубе "1387".

А ўсіх неабыякавых жыхароў Магілеўшчыны запрашаем узяць актыўны ўдзел у абмеркаванні і адборы праектаў. Кожны праект будзе ацэньвацца па 10-бальнай шкале як экспертамі, так і прысутнай аўдыторыяй, таму ваш голас будзе мець вагу і значэнне ў далейшым лёсе прадстаўленых ідэй. Пасля прэзентацыі вынікі галасавання будуць апублікаваныя на сайце кампаніі.

Справа знойдзецца для кожнага, бо Кірмаш праектаў – гэта месца, дзе збіраюцца аўтары, крытыкі, партнёры.

Чакаем вас 28 чэрвеня (чацвер)
Пачатак у 18:00 у тайм-клубе "1387"
па адрасе: г. Бабруйск, вул. Чангарская, 54
Уваход вольны!

Даведкі: +37529 319-93-09, budzma.by