8 чэрвеня, у нядзелю ў весцы Пятровічы Бобруйскага раена адбудзецца традыцыйны фэст «Траецкія забавы», прымеркаваны да Дня святой Тройцы.

У гэты дзень, на свята, ураджэнцы Пятровіч і аколіцаў імкнуцца праведаць родныя мясціны, сустрэцца з радней і знаемымі.

У праграме мерапрыемства: малебен ля паклоннага крыжа, тэатралізаваны паказ, выступленне конна-трукавага тэатра «Есаул», песні, танцы, гульні, конкурсы, выстава майстроў народнай творчасці і рамёстваў, а таксама работа гандлёвых радоў.

Пачатак а 12-й гадзіне. Уваход вольны.