Дырэктар «ЖКГ» Бабруйскага раёна аб пераносе срокаў павышэння камунальных тарыфаў
11 февраля 2026
На мінулым тыдні Прэзідэнт Беларусі Аляксандр Лукашэнка прыняў рашэнне аб пераносе срокаў павышэння камунальных тарыфаў з 1 студзеня на 1 сакавіка.
Дырэктар УКП «Жылкамгас» Бабруйскага раёна Сяргей Грычанок:
— Студзеньскія маразы сталі для нашага прадпрыемства сапраўдным выпрабаваннем. За месяц спажыванне цеплаэнергіі вырасла на 32,82%. Гэта зразумела: чым халадней на двары, тым вышэй тэмпература цепланосьбіта. Нашае прадпрыемства пастаўляе цеплаэнергію каля 70 % спажыўцоў раёна. І, нягледзячы на рэзкі рост спажывання, цяпло ў дамы прыходзіць без спазнення. На балансе Жылкамгаса значацца 24 кацельных, якія працуюць на мясцовых відах паліва. Мадэрнізацыя і рэканструкцыя дадзеных аб’ектаў дазваляе зніжаць цепластраты. Абнаўленне вядзецца за кошт дзяржаўных праграм — фінансуецца з бюджэту, абаротныя сродкі ўкладваем і мы таксама. У мінулым годзе, да прыкладу, завершана работа па мадэрнізацыі кацельнай па аб’екту “Мадэрнізацыя кацельнай на мясцовых відах паліва ў п. Тулоліца Бабруйскага раёна”. У цэлым жа сродкі на сферу ЖКГ дзяржавай укладаюцца значныя. За іх кошт мадэрнізуецца і праводзіцца капітальны рамонт жыллёвага фонду, рамонт дарог, добраўпарадкаванне. Адзначу і тое, што ў клопаце пра людзей дзяржава бярэ на сябе значную долю камунальных выдаткаў, сярод іншага — датацыя ўсіх відаў паліва, электраэнергіі. Тут неабходна адзначыць і рашэнне аб павышэнні тарыфаў не з 1 студзеня, а з 1 сакавіка, што, безумоўна, было станоўча ўспрынята жыхарамі нашага раёна і дапаможа грамадзянам пазбегнуць празмернай фінансавай нагрузкі ў гэтыя марозныя дні.
