Прэм’ерны паказ дакументальнай стужкі «Рэпрэсаваная архітэктура»

У бабруйскім касцёле 6 красавіка 2019 года  прэзентуюць дакументальны фільм “Рэпрэсаваная архітэктура” пра аўтара праекта святыні – архітэктара Станіслава Шабунеўскага.
Стужка прысвечана спадчыне гомельскага архітэктара Станіслава Шабунеўскага і прымяркаваны да ягонага 150-годдзя, якое адзначалася летась.
Пакажуць фільм “Рэпрэсаваная архітэктура” бабруйчанам ягоныя аўтары – гомельскія архітэктар і рэжысёрка Сяргей Ляпін і Марыя Булавінская.
Таксама на прэзэнтацыі будуць распрацоўшчыкі 3d-візуалізацыі храма, гомельцы Зміцер і Ганна Башмак.
Уваход вольны.
Пачатак: 16.00.
Месца правядзення: касцёл Беззаганнага Зачацця Найсвяцейшай Панны Марыі.